حرص الفنان محمود حميدة على توجيه رسالة لكل العاملين في موقع تصوير مسلسل “لما كنا صغيرين” والتي نشرها من خلال حسابه على موقع التواصل الاجتماعي “فيس بوك” من أجل أن يطمأنهم وسط حالة الذعر والقلق التي كانت منتشرة أثناء تصوير المسلسل الذي يعرض حاليا خلال شهر رمضان الكريم، بسبب فيروس كورونا الجديد وانتشاره.
وقال فى فيديو نشره عبر حسابه الرسمي بموقع “فيس بوك” :”عايز أقول كلمة للسيدات والرجال حالة الذعر الموجودة لا تأتي إلا بالخسارة، عمركم سمعتم عن جيش مذعور بيكسب معركة..لا محصلش خايفين اه.. لأن الخوف غريزة وحاجة طبيعية جدا مش مكتسب ..وعرفنا أنه مرض خطير وملوش علاج ولكن له إجراءات احترازية اغسل ايديك واتمضمض..ولكن بلاش الذعر والهلع الكبير.. لو جالنا المرض هنموت.. وكلنا هنموت بنقول كدا لكن مش مصدقين لأننا مش عايزين نموت”.
وتابع :”واللي مش عايز يموت لازم يشتغل ومن ضمن الإجراءات اللي بيقولوا التزموا البيوت طيب وبعدين انتو عارفين الحالة دي هتخلص إمتي.. اقعد فى البيت أنا وعيالي ومنزلش اشتغل عشان أجيبلهم أكل ولا شرب ما كدة هنموت كلنا.. لذلك ابعدوا عنكم الذعر.. الخطر موجود ولكن نتوكل علي الله ونشتغل ونشيل الذعر ده من دماغنا”.
التعليقات